Kapolisan tudloan og inamang
CEBU, Philippines - Ang kapolisan sa Lapu-Lapu gipatudloan og “sign language†bali’g duha ka oras mata’g Domingo.
Matud pa ni Lapu-Lapu City Police Officer-in-Charge (OIC) Armando Radoc nga dako og ikatabang sa mga polis kun sila makat-on sa pag-inamang pinaagi sa pagsabot sa mga senyas sa amang.
Si Radoc mipasabot nga dili imposible nga adunay mga higayon nga ang bugtong saksi sa krimen mao lang ang mga amang.
Ang principal sa Looc Elementary School sa dakbayan sa Lapu-Lapu nga si Renato Paquibot mihatag og lugar sa iyang gidumala nga tunghaan nga adto mapahigayon ang pagtoon sa mga pulis.
Ang mga sakop sa Homicide Section, Theft and Robbery Section (TRS) ug Warrant and Subpoena Section maoy giuna pagpasalmot sa pagtoon diin tag-duha ka pulis ang paapilon matag Domingo.
Bisan basic lesson lang ang ilang makat-unan sa maong training apan dako na kini og ikatabang alang sa kasulbaran sa krimen.
Gisugdan ang mao nga training niadtong Marso 30 ug mahuman kini sa June 28 ning tuiga. (BANAT NEWS)
- Latest
