Cellphone repair shop gilungkab

CEBU, Philippines - Gilungkab sa kawatan ang ayohanan og mga cellphone sa dalan P. Lopez, barangay Kalubihan sa dakbayan sa Sugbo.

Nadiskobrehan ni Renante Pulgo, 52, nga guba na ang iyang stall kagahapon sa buntag ug wala na ang daghan niya nga gipang-ayo nga cellphone. Si PO3 Reynaldo Labating sa Theft and Robbery Section (TRS) miingon nga nadala sa kawatan ang duha ka Samsung Galaxy note nga tag P24 mil ang usa; pito ka Cherry mobile nga cellphone nga mobalor og tag P4 mil ang usa; lima ka SKK nga cellphone nga tag P6 mil ang usa; 11 ka Nokia nga cellphone nga mobalor og P11 mil; upat ka Myphone nga mobalor og P4 mil ug usa ka digicam.

Mokabat og P125 mil ang kantidad sa butang nga nakawat. (BANAT NEWS)