Budget sa Toledo City pabiling natanggong
CEBU, Philippines - Nagpabiling dakong pangutana ang wala pagpirma ni Toledo City Councilor Joie Perales sa joint manifestation nga nagdeklarar nga “null and void†ang pag-aprobar sa 2014 Budget sa dakbayan sa Toledo. Hangtod karon wala pa moluwat sa iyang pamahayag si Konsehal Perales sa wala pagpirma sa manifestation. Si Perales naila nga sakop sa mayoriya sa konseho nga gipangulohan ni City Councilor Ricardo "Kuya Nick" Pepito sa oposisyon nga misang-at sa maong manifestation sa pagkwestiyon sa pag-aprubar sa 619 million pesos nga annual budget sa dakbayan.
Dihang gipangutana sa mga sakop sa media si Toledo City Vice Mayor Antonio Yapha sa wala pagpirma ni Perales nagkanayon kini nga posibleng mibati og kaluoy ang konsehal sa mga Toledanos nga nagsakripisyo sa wala mahatag nga serbisyo sa pagpatuman sa mga proyekto sa pamunoan ni Toledo City Mayor John Henry “Sonny†Osmeña. Apan wala mohatag og komento si Yapha kun timailhan na ba kini sa pagtapon ni Perales sa kampo sa administrasyon.
Una niini, mibakwi sa iyang pirma si Barangay Bunga Kapitan Edgar Aguilar presidente sa Association of Barangay Councils (ABC) nga sakop usab sa mayoriya human nalipat siya pagpirma sa dokumento nga gituohang “minutes†sa nakalabay nga sesyon ug wala siya magtuo nga joint manifestation ang iyang gipirmahan. (BANAT NEWS)
- Latest
