Brgy Opao, Mandaue City

CEBU, Philippines - “Amo lang unta ireklamo ning konsehal nga tag-iya og videokehan diri sa gracena kay saba kaayo usahay alas dos na sa kaadlawon mahunong luoy kaayo ming naay trabaho kay kuwangan mig tulog pirmi.”

BRGY TABOK, MANDAUE CITY

“Sa sitio Kamanggahan kay naay pusher diri display ra kaayo mamaligya naa dapit sa basketan maayo unta lihukon na ni sa mga polis station 3 kay garaon na kaayo ning tawhana daghan nang mga bata ang naadik.”

BRGY TALAMBAN, CEBU CITY

“Sa tumoy sa Cabancalan Mandaue Sir ba kay naay carwash kay mura’g illegal man ni kay naa man daplin sa karsada hasol kaayo sa mangaging nga tawo, naa ra na dapit sa may ukay-ukayan.”

BRGY TALISAY, SANTANDER, CEBU

“Palihog mig pasusi diri sa among lugar kay naa mi commonal water diri gipaputol man sa amo kapitan kay wala daw mi mibutar pag-eleksyon, sige na lang tawon mi palit og tubig sa among silingan kay wala na man mi magamit luto.”

BRGY SAGAY, TOLEDO CITY

“Sir Jun wala man matagad sa among mga opisyales sa barangay ug kapolisan ning mga manuyopay sa sitio Bagdok dugay na kaayo ning problemaha daghan nang mga naadik nga mga batan-on diri.”

BRGY LABOGON, MANDAUE CITY

“Mangayo intawon mig tabang nimo mahitungod ning mga basura diri nga nangabaho na daplin sa karsada tungod kay wala gyud kuhaa, mga opisyal namo diri wala gyud magpakabana.”

BRGY LAMINTAK NORTE, MEDELLIN, CEBU

“Tabangi mig sulbad aning among lugar kay grabe naman kaayo ang shabu saba kaayo ang mga motor matag gabii kuyawan mi kay bisag kinsa na lang  mga tawo ang moari sa among lugar.”

BRGY OCANA, CARCAR CITY

“Wala man magpakabana among mga opisyal sa barangay aning street lighting namo sa highway wala na man gyud pasigaa panahon sa kagabhion ngitngit kaayo, sige man unta sila’g agi diri pero wala man silay pakabana.”

BRGY MAGTALISAY, SAN FERNANDO, CEBU

“Grabe na ang namaligya og shabu diri sa among lugar Sir luoy kaayo ang mga batan-on kay maoy kasagaran sa nangaadik mga bag-ong tubo kay moapil na man og suyop, mas maayo untag aksyonan na kini sa mga opisyales namo.”

BRGY TANGUB, PINAMUNGAJAN, CEBU

“Mas grabe diri ang sinuyopay og shabu ug ang pagpamaligya wala gyud masulbad sa kapolisan ug sa mga opisyal sa barangay, among kapitan wala say aksyon aning problemaha nga unta dugay na kini.”

BRGY MABOLO, CEBU CITY

“Sir Jun naay agianan sa mga tawo nga gitukoran og structure sa carenderia nga hugaw na hinuon kaayo tan-awon kay gibutangan og "no stopping" pero gipaparkingan pa man gihapon og mga sakyanan.”

Alang sa inyong mga reklamo text lang sa 09071678643