Nanglugos nadakpan na
CEBU, Philippines - Gidakop sa kapolisan ang usa ka 18-anyos nga lalaki nga nag-atubang og kaso nga pagpanglugos didto sa Sitio Northfield Riverside, Barangay Canduman, dakbayan sa Mandaue kaniadtong Biyernes sa hapon.
Si AlexanderBacalso gidakop sa mga sakop sa Presinto 6 sa Mandaue City Police Office (MCPO) nga gipangulohan sa ilang hepe nga si Senior Inspector Rommel Luga.
Si PO3 Arnold Villacampo miingon nga gipasakaan og kaso’ng pagpanglugos si Bacalso sa mga ginikanan sa 19-anyos nga special child nga silingan ra usab sa suspek.
Nahitabo ang pagpanglugos niadtong Oktobre 1 sa miaging tuig human gisaka sa suspek ang biktima samtang nag-inusara lang sa ilang panimalay.
Si Judge Teresita Galanida sa Branch 26 sa Regional Trial Court (RTC) 7 maoy nagluwat sa warrant of arrest batok sa maong suspetsado.
Nagtingkagol na karon sa bilanggoan ang dinakpan ug gikatakda karong Lunes nga dad-on siya sa korte aron adto na ibalhug sa Mandaue City Jail. (BANAT NEWS)
- Latest
