La Nueva gitulis sa kimpang ug batan-on

CEBU, Philippines - Bisan pa man sa pahimangno nga gidili ang pagkalo, pagsul-ob og sunglasses ug sa gibutang nga CCTV camera, may gwardiya pa nga nagbantay sa La Nueva sa barangay Inayawan nakalusot gihapon ang duha ka mga tulisan nga ang usa kimpang kagahapon sa udto.

Si Supt. Alexis Relado miingon sa mga tigbalita nga ang mga tulisan misulod sa maong tindahan sa alas 12:50 sa udto, usa ka tiguwang nga kimpang ug ang usa batan-on pa ug parehong armado og mugbo nga pusil ug yano kaayo nga gidis-armahan ang security guard nga naila lang sa pangalang Argie Vidal Batiller, 24, sakop sa GDS Security Agency.

Gikuha dayon sa duha ang halin sa tindahan nga mokabat og P20 mil ug sukwahi sa ubang mga pagpanulis kaniadto nga mosibat dayon ang mga tulisan, nag-estambay ang duhasud sa maong tindahan.

Matud pa ni Relado nga nagtinabangay sila, ang City Intelligence Branch ug sa Theft and Robbery Section (TRS) sa Cebu City Police Office.

Si Relado kinsa kanhi hepe sa TRS nagkanayon nga dunay lapses ang gwardya, nasuta usab nga duna siya’y armas apan duha ra ka buok ang bala ug wa pa gyud gisulod sa tambor sa iyang service revolver.

“Ang bala is only duha, wala pa niya gisulod sa tambor sa revolver, ang SOP, one basic load of 6 plus another 6 reserve,” dugang ni Relado. Nagdumili sa pagtubag sa Banat News ang gwardiya dihang gikuhaan kini sa iyang habig. Human sa maong hitabo misibat ang maong duha ka suspetsado sakay sa XRM nga motor padung sa South Road Properties. (BANAT NEWS)