Drilon pabor nga bar exam himuon dili lang sa Manila
CEBU, Philippines - Andam nga moduso og resolusyon si Senate President Franklin Drilon aron pag-awhag sa Supreme Court nga tugutan nga himoon ang bar examination gawas sa Metro Manila ug ipahigayon usab kini dinhi sa Visayas ug Mindanao.
Susihon ni Drilon kung may balaod niini ang Korte Suprema nga sa Metro Manila lang gyud ipahigayon ang bar examinations.
Sayo niini, ang Integrated Bar of the Philippines-Cebu Chapter miduso og petisyon kalabot niini apan hangtod karon wa pay tubag ang Labaw nga Hukmanan.
Nasayran nga sagad sa mga bar examinees gikan sa laing lugar nakasinati og problema sa pagkuha og exam sa kaulohan tungod sa kadako sa ilang gikinahanglang budget sa pagpundo didto sa Manila sud sa usa ka buwan.
Tungod usab niini, dunay mga bar examinees nga mapugos pagbiya sa ilang mga pamilya ug mga trabaho alang lang sa maong katuyoan. (BANAT NEWS)
- Latest
