Kapitolyo nagdili sa mga apektado sa demolisyon nga magpataka’g balhin
CEBU, Philippines - Gibutyag sa Task Force Real Estate sa probinsya sa Sugbo nga adunay mga apektadong residente sa nahitabong demolisyon sa sitio San Miguel, barangay Apas ang karon namalhin sa sitio Upper Panabang sa mao gihapong barangay.
Ang hepe sa task force nga si Loy Madrigal nagkanayon nga panag-iya sa probinsya ang maong luna nga gibalhinan na karon sa kapin 20 na ka pamilya nga naghinayhinay na og tukod sa ilang panimalay.
Kagahapon, giguba sa miyembro sa task force ang lima ka panimalay sa sitio Upper Panabang tungod kay illegal kini ug wala’y pagtukod sa Kapitolyo nga mamalhin sila sa maong luna.
“Naa na tay nakit-ang skeletal structures didto. Atong i-prevent sila basin maglisod na unya ta og pagpahawa,†matud ni Madrigal. Dugang ni Madrigal nga daan na silang nipasidaan sa mga hingtungdan nga dili patukoran og panimalay ang maong luna sanglit gamiton kini sa probinsya.
“Gi-warningan na pero wa gyud sila mi-coordinate. Mihangyo sila nga ilang gamiton kay wa man kuno gigamit sa probinsya. Unya unsaon paggamit kun naa sila,†sigon ni Madrigal.
Giawhag usab ni Madrigal ang mga nagplano pa nga magtukod og panimalay sa lugar nga dili nalang mamugos pagtukod. “Mausik ra gihapon ilang kwarta. So likayan na lang gyud,†dugang niya. (BANAT NEWS)
- Latest
