Taga apas nag-human barricade
CEBU, Philippines - Subling nahunong ang demolisyon sa kabalayan sa sitio San Miguel sa Barangay Apas ning dakbayan human nagbarikada ang mga residente sa ilang kaugalingon tungod sa kalagot nga wa tahora sa demolition team ang cease and desist order nga giisyu ni acting mayor Edgardo Labella.
Si Labella miisyu sa maong kamandoan niadtong Marso 28 batok kang Aletha Suico-Magat, ang giingong nanag-iya sa maong luna tungod sa giingong way land development permit gikan sa siyudad ang maong demolisyon. Matud pa ni Labella ang ‘earth-moving’ nga gipanghimo diha sa lot no. 942 miresulta sa pagkabara sa drainage system sa lugar ug miawas ang baha.
Sumala pa ni Labella, base sa Section 1 sa City Ordinance 1656 o ang 1996 Revised Zoning Ordinance of the City of Cebu gidili ang bisan unsang land development sa usa ka lugar kung wa magtuman sa mga rekisitos sa environmental protection.
Matud pa nga nasuta sa ocular inspection sa City Engineering Office nga wala mokuha og permit gikan sa City Planning and Development Office alang sa paghakot og filling materials diha sa lugar.
Apan giingong wala tahora ni Magat ang cease and desist order. Sumala pa ni Kapitan Ramil Ayuman, wala dawata ni Magat ang maong dokumento niadtong Biyernes tungod kay alas-5 na sa hapon ug alas-3 ra sa hapon ang cut-off sa demolisyon.
Kagahapon atol sa pagsugod balik og pagpangguba gibabagan na kini sa mga tawo . (BANAT NEWS)
- Latest
