Polis nga nanion og armas sa hepe hayan mataktak sa PNP
CEBU, Philippines - Ang Provincial Investigation and Detective Management Branch mihimo na karon og imbestigasyon may labot sa pagpanion og armas ni PO2 Socrates Avila ngadto sa iyang hepe nga si Sr. Insp. Cesar Misola sulod sa Dumanjug Police Station adtong Huwebes sa kadlawon.
Hangtud kagahapon wala gihapon mo-report si Avila hinungdan nga padal-an kini og notice for return to work order ugmang adlawa.
Hatagan si Avila og lima ka adlaw human sa pagdawat sa maong notice aron mopatim-aw sa buhatan ug kung pakyas kini hatagan na usab kini og ikaduhang notisya sa dili pa siya irekomendar nga i-dropped from the rules of the Philippine National Police.
“I will recommend him to the provincial headquarters for absent without an official Leave (AWOL),†matud ni Misola.
Si Avila, jail guard ug desk officer sa maong police station, gipasanginlan og misbehaving , direct assault to a person in authority human niya giingong gitiona’g armas si Misola.
Duty adtong higayuna si Avila sa dihang mibiya kini ug milakaw gamit ang patrol car sa estasyon nga wala’y pananghid.
Gipagawas usab niya ang piniriso nga si Sosimo Pace dayong adto sa minatyan sa Barangay Ilaya diin matud pa nabangga ang iyang gimanehong patrol car. Matud pa nga hubog si Avila sa maong hitabo.
Sa iyang bahin, si Supt. Rodolfo Albotra, PIDMB chief, mibutyag nga ang pagpasaka og kasong kriminal magbase kang Misola isip complainant apan paabuton una nila ang investigation report sa mga pulis nga nalambigit sa kaso.
“Dili ni nato palabyon ang mga ingon ani nga incident kay kinahanglan ni sila idisiplina,†matud ni Albotra. (BANAT NEWS)
- Latest
