Upat ka polis sa RID-7 ‘adik’
CEBU, Philippines - Upat ka polis nga nadestino sa Regional Intelligence Division positibo nga tiggamitan og illegal nga drugas human sa gipahigayon nga surprise drug test sa headquarters sa Police Regional Office 7 sa miaging adlaw. Si Supt. Paul Labra, ang hepe sa RID miingon nga gipahibalo siya sa taga PNP Crime Laboratory 7 sa resulta sa surprise drug test.
Matud ni Labra nga sa kapin sa usa ka gatos ka mga personnel sa RID upat ang nahagbong sa maong drug test, apan miingon si Labra nga iya pa una nga pahibaw-on ang maong upat ka mga polis sa resulta sa exam. Hatagan usab niya og higayon nga ilang “i-contest†ang resulta sa maong drug test gamit ang susamang sample. Miingon si Labra nga pwede ra nga ilang isumiter sa laing laboratoryo ang maong sample aron tinuon kung duna ba gyu’y lama sa illegal drugs sa ilang mga ihi. Apan sa higayon nga mapositibo lang gihapon ang resulta wa nay mahimo si Labra irekomindar niya sila nga ipaubos sa imbestigasyon. Gawas niini mag-atubang sab og pre-charge investigation ug evaluation ang maong polis.
Apan kung ang upat boluntaryo nga mopaubos sa ilang kaugalingon sa rehabilitasyon posible nga momenos ang ilang silot.
Matud ni Labra nga ang maong surprise drug test gihimo aron pagsusi sa mga polis sa PRO-7 kun wala ba sila malambigit sa illegal nga kalihokan. “This is to show the community that the PRO-7 means business we don’t want our men to be involved in illegal activity,†matud pa ni Labra. (/EIM) (BANAT NEWS)
- Latest
