^

Banat Balita

Awto sa ambush ni Archival na-recover

Bryner L. Diaz ,Mylen Manto ug Ria Mae Booc/EIM - Banat

CEBU, Philippines - Gironda sa mga sakop sa National Bureau of Investigation (NBI) ug sa Special Investigation Task Group Archival ang impounding area sa PNP Highway Patrol Group 7 sa Sitio Sudlon, Lahug positibo nga nakit-an ang usa ka awto nga gituohang apil sa gigamit pagbanhig ni Atty. Noel Archival.

Ang pagronda sa hiniusa nga team sa mga tinugyanan sa balaod gihimo basi sa Search Warrant nga giisyu ni Regional Trial Court (RTC) Branch 10 Judge Soliver Peras nga nagtugot sa pagsiksik sa impounding area sa Highway Patrol Group.

Alas 11 sa buntag kagahapon nga nangabot ang hiniusa nga team sa NBI ug SITG-Archival didto sa mao nga dapit nga kanhi maoy gigamit nga provincial headquarters sa kapolisan ug gigamit na karon nga impounding area sa mga sakyanan nga nasakmit sa HPG-7.

Si Supt. Rodolfo Albotra, sakop sa SITG, miingon nga ang pagronda may kalambigitan sa usa ka murder case apan wa hinuon gibutang sa search warrant kun unsa kadto nga murder case.

Ang gibutang nga respondent sa warrant mao si HPG-7 Regional Director Romualdo Iglesia, Deputy Director Eduardo Mara, Sr. Insp. Joselito Lerion ug SPO4 Edwin Galan.

Matud ni Judge Peras nga adunay basehan nga mopagawas siya sa search warrant batok sa maong mga polis tungod kay sila maoy dunay kontrol sa Red Toyota Corolla Vios (GSC-675); Red Toyota Corolla Vios (GSR -995); Gray nga Mitsubishi Strada (ZEZ- 932) ug laing Gray Mitsubishi Strada (NVD- 549).

Sa pagsusi sa upat ka subject vehicles, usa lang ang giingong nagpositibo, ang Toyota Corolla Vios (GSC-675). Ang maong sakyanan anaa na karon sa NBI. Adunay nakuhang mga butang sulod sa maong awto nga gisusi pa kun makatabang ba sa imbestigasyon pagpatay ni Archival.

Si Cebu City Councilor Nestor Archival, igsoon sa gipatay nga abogado, miingon nga medyo mihayag na ang imbestigasyon sa kaso sa pagpatay sa iyang igsuon sa pagkadiskubre sa usa ka sakyanan nga gituohang nalambigit sa krimen.

Si SPO4 Galan  miingon   nga si Sr. Insp. Lerion ang in-charge sa mga sakyanan nga na-impound. Apan mibutyag kini nga dihang siya pa ang property custodian sa HPG igo lang siya mopirma og Monthly Inventory ug wa siya’y nakuptan nga papeles o bisan usa ka yawe sa mga sakyanan.

Si NBI-7 Regional Director Max Salvador nagkanayon nga ang pagkasakmit sa usa ka sakyanan usa kini ka kalamboan alang sa kasulbaran sa pagpatay ni Archival. Matud niya natultolan nila ang maong sakyanan base sa testimonya sa ilang witnesses og documentary evidences.

Midugang si Salvador nga ipatawag nila si Iglesia, Mara, Lerion ug Galan sa ilang buhatan aron sukit-sukiton. Ang na-recover nga sakyanan ipaubos usab og forensic examination.

Samtang ang pangulo sa SITG, Sr. Supt. Noel Gillamac, mibutyag nga ang pagkakaplag sa sakyanan sulod sa impounding area sa HPG wala magpasabot nga sila g’yud ang gitumbok nga suspek sa pag-ambush ni Archival ug sa duha niya ka kauban.

Si Gillamac mitug-an nga ang HPG kanhi miyembro sa task group apan tunga-tunga sa imbestigasyon nakahukom sila nga ilang tangtangon human sila makadawat og impormasyon ug rekomendasyon sa pamilya kay adunay kaso nga gihuptan si Atty. Archival batok sa HPG.  (BANAT NEWS)   

 

 

 

vuukle comment

ARCHIVAL

DEPUTY DIRECTOR EDUARDO MARA

EDWIN GALAN

GALAN

HIGHWAY PATROL GROUP

RED TOYOTA COROLLA VIOS

SAKYANAN

SR. INSP

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with