Upat ka lalaking naghupot og shabu nasikop
CEBU, Philippines - Upat ka lalaki kinsa giingong naghupot og shabu ug drug paraphernalia ang nasikop sa kapolisan sa miaging adlaw diha sa managlahing lugar sa dakbayan sa Sugbo.
Si Alejandro Palingkod, 42, taga sitio Almacen sa barangay Calamba nasikop atol sa gipahigayong saturation drive sa grupo ni Senior Inspector Chuck Barandog sa San Nicholas Police Station mga alas 11:00 sa miaging gabii. Ikaduha nga nasikop si Ivy Ybañez, 31, diha sa dalan Magsaysay, barangay Suba, dakbayan sa Sugbo mga alas 11:30 ug giingong naimbargohan kini og unom ka gagmay nga paketeng gituohang shabu atol sa saturation drive sa kapolisan sa San Nicholas Police Station.
Samtang pasado alas 12:00 kagahapon sa kaadlawon nasikop usab sa grupo ni Barandog ang duha ka babaye kinsa giingong naimbargohan og walo ka gagmay’ng pakete nga gituohang shabu.
Ang mga suspetsado mao sila si Lufthansa Fernandez, 44, ug si Liza Cabije, 44, mga molupyo sa dalan Magsaysay habig sa barangay Pasil sa dakbayan sa Sugbo. Giingong na-recover sa mga polis gikan sa posisyon ni Fernandez ang pito ka gamay nga paketeng shabu samtang usa ka gamay nga pakete nga shabu ang na-recover gikan sa posisyon ni Cabije. Ang mga suspetsado mag-atubang og kasong kalapasan sa Akta Republika 9165 kon “Comprehensive Dangerous Drugs Actâ€. (BANAT NEWS)
- Latest
