NBI ug tf archival nagtigom
CEBU, Philippines - Mitambong kagahapon sa labing unang higayon ang mga taga National Bureau of Investigation sa case conference sa Special Investigation Task Group alang sa kasulbaran sa kaso ni Atty. Noel Archival.
Si Supt. Renato Malazarte nga nahinabi sa mga tigbalita miingon nga sa unang higayon mitambong ang NBI sa gipahigayong case conference sa SITG niadtong Lunes sa hapon sa buhatan sa Cebu Provincial Police Office.
Matud ni Malazarte nga daghan silang nahisgotan sa maong case conference nga mga impormasyon nga dako kaayo og ikatabang sa kasulbaran sa kaso, nagdumili hinuon kini pagtug-an sa mga dugang impormasyon sa kaso.
Sugod niadtong Lunes pormal nang nagbinayloay ang kapolisan ug ang NBI sa ilang mga kasayoran nga nakuha.
Si Atty. Archival kauban sa iyang drayber nga si Alejandro Jayme, aide nga si Candido Miñoza namatay atol sa pagpamanhig sa barangay Coro, sa lungsod sa Dalaguete ug angol ang iyang usa ka trabahante nga si Paulo Cortez. (BANAT NEWS)
- Latest
