6.9 magnitude nga linog mitay-og sa California

CEBU, Philippines - Usa ka magnitude-6.9 nga linog ang miigo sa kadagatan sa northern California apan wa hinuon kini nakamugna og tsunami.

Ang U.S. Geological Survey miingon nga ang pagtay-og namatikdan 5:18 GMT upat ka milya (6 kilometros) ilawom sa Pacific seabed ug 50 milya (80 kilometros) sa kasadpang bahin sa Eureka.

Ang Humboldt County Sheriff's Department mibutyag nga wa silay nadawat nga impormasyon o tawag gikan sa mga residente kung duna bay mga kadaot ug mga nasamdan nga gibilin ang maong linog ug ang USGS seismologist nga si Susan Hoover miingon nga dunay 300 ka tawo nga mipahibalo kanila sa ilang website nga ilang nabatyagan ang pagtay-og. Ang National Tsunami Warning Center miingon nga way tsunami danger sa maong rehiyon human sa maong linog. (BANAT NEWS)