Usbaw sa pletehan kinahanglan nga walay bungkig aron sayon ra panukli
CEBU, Philippines - Ang mga drayber og passenger jeepney nga nagbiyahean sa Mandaue misugyot sa mga opisyal sa LTFRB nga kun aprobahan nila ang gipangayo nga usbaw sa pletehan kinahanglan unta nga wala’y “bungkig.â€
Ang ilang gipasabot nga bungkig mao kanang adunay subra nga 50 sentimos sa pletehan nga usahay ang mga drayber maglisud sa paghatag og sukli, usahay ‘sab ang pasahero mohatag lang og kuwang nga plete.
Si Romeo Armamento, presidente sa Mandaue United Driver’s Association-National Confederation Transport-Worker’s Alliance (MUDA-NCTA), miingon nga gisuportahan nila ang awhag sa CITRASCO.
Matud ni Armamento nga tungod sa bungkig nga 50 sentimos nga gilatid nga pletehan sa LTFRB usahay makamugna kini’g panaglalis sa drayber ug mga pasahero.
Gipasabot ni Armamento nga ang ilang grupo wala moawhag og dugang pletehan kay nalooy sila sa kahimtang sa katawhan nga kanunay lang gisantako sa nagtubo nga presyo sa palaliton.
“Kami sa transport sector wala lang masugamak sa kamahal sa presyo sa pyesa, dali pa gayud nga maguba nga maoy hinungdan nga magsige na lang mi’g ilis og pyesa,†matud ni Armamento. - /RUB (BANAT NEWS)
- Latest
