^

Banat Balita

Nagpatay-patay, gikawatan pa gyud

Bryner L. Diaz - Banat

CEBU, Philippines - Naluwas gikan sa tinong kamatayon ang usa ka lalaki nga nagpapatay-patay human sila gipamusil ug nadat-ogan sa patay’ng lawas sa iyang kauban diha sa sitio Ponce II, barangay Carreta sa dakbayan sa Sugbo kagahapon sa kaadlawon.

Apan ang mga tawong nanguryoso, inay tabangan   gipangawat hinuon  ilang mga pitaka ug cellphones.

Ang naluwas naila nga si Gilbert Balanguigi, helper sa namatay nga si Glicerio “Jun” Pace, 45, mekaniko, lumad nga taga Bato, Oslob. Base sa imbestigasyon sa Homicide Section sa Cebu City Police Office nga ang mga biktima gikan nag-inom sa balay sa usa ka “Marlon” diha sa maong dapit.

Apan dihang misakay na sa motor si Balanguigi ug padung na moangkas si Pace nakadungog sila og buto maong gipangutana ni Balanguigi si Pace kun unsa kadto apan wala kini motubag ug kalit lang nabad-ay sa iyang buko-buko si Pace ug wala na motingog ug nagkadugo ang ulo. Matud pa nga nakit-an ni Balanguigi ang usa ka lalaki nga nagtion pa sa iyang armas padulong kanila ug mipusil kanila pag-usab hinungdan sa pagkaigo sa iyang dapidapi maong natumba sila sa motor. Sumala pa nga dunay kauban ang gunman nga nadunggan ni Balanguigi nga miingon “siguroha nga patay na ba gyud.” Diha-diha giusban pagpusil sa maong lalaki si Pace diha sa agtang ug giusban usab siya pagpusil apan swerteng sa tuo nga bungkol siya naigo.

Sa kahadlok nga usban giagwanta lang niini ang pinusilan ug wala na molihok pa hangtud namiya ang mga kriminal.

 Matud pa bisan og diha nay mga tawo nga nanguryoso wa gihapon siya molihok, ug nabantayan na lang niya nga gikuot iyang bulsa ug gikawat ang iyang mga cellphone, kwarta ug pitaka. Paglabay og pila ka minutos mibangon siya ug midagan ug mipara og taxi ug nagpahatod sa Vicente Sotto Memorial Medical Center. Narekober sa kapolisan ang usa ka bag, usa ka t-shirt, jacket, kalo, mga dokumento, usa ka tin foil, P2,500 nga cash, libro sa Comprehensive Dangerous Drugs Act, usa ka helmet ug ang motor sa mga biktima.

Giimbestigar na karon sa kapolisan kung unsay motibo sa maong pagpusil. (BANAT NEWS)

APAN

BALANGUIGI

CEBU CITY POLICE OFFICE

DRUGS ACT

GILBERT BALANGUIGI

HOMICIDE SECTION

MATUD

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with