500 ka balay tukoron sa Gawad Kalinga
CEBU, Philippines - Ang Gawad Kalinga (GK) nagplanong mopatukod og 400 ngadto sa 500 ka panimalay sa amihanang bahin sa Sugbo nga maoy nagrabehan sa bagyong Yolanda.
Sigon pa ni Toby Florendo, pangulo sa GK Cebu ilang paninguhaon nga matukod ang mga balay ning tuiga pinaagi sa programang Bayanihan Challenge.
Gitinguha sa GK matukoran og mga panimalay ang onse ka munisipalidad sa amihanang Sugbo nga naglakip sa Bantayan, Sta. Fe, Madridejos, Tabuelan, Sogod, Borbon, Bogo City, San Remegio, Tabogon, Medellin, ug Daanbantayan.
Matud ni Florenda, moagi una sa profiling ug values formation ang mga benepisyaryo nga hatagan sa mga libreng panimalay.
“Instead of giving financial payments, we ask them to invest their own sweat . That’s how we give them the sense of ownership,†dugang niya.
Si Florenda miingon nga kinahanglang motabang sa konstruksyon sud sa 2, 000 ka oras ang mga mapiling benepisyaryo sa pagtabang sa pagtukod sa aktwal nga balay.
Si Florendo miingon nga ang maong programa sugdan karong Abril 9 hangtod Hunyo 12 ning tuiga ug magkinahanglan sila og 80, 000 volunteers nga motabang pagtukod niini.
Dugang pa niya nga kining mga volunteers bahinon og mga grupo nga langkuban og 15 ka tawo matag pundok.
Aduna na’y mga pribadong organisasyon nga misaad nga modonar og mga panimalay apan himoan pa nila kini og Memorandum of Agreement sa GK. Mi-awhag ang GK sa uban pang pribadong organisasyon nga modonar usab alang sa maong katuyoan ug nanawagan usab niadtong gusto nga mag- volunteer.
“Alang sa mga volunteers, visit our website sa www.gk1world.com,†awhag pa ni Florendo. (/EIM)(BANAT NEWS)
- Latest
