Pag-usab sa academic calendar gitun-an sa UV
CEBU, Philippines - Gitun-an karon sa University of the Visayas ang posibilidad nga pag-usab sa ilang academic calendar aron maka-compete globally.
“The university is considering a change in our academic calendar just like what other top universities like UP, Ateneo and UST are doing. We want the university to be at par with global standards and changing the academic calendar is one way to go about it,†sumala pa ni UV President ug kanhi Cebu 1st District Rep. Eduardo “Eddiegul†Gullas. Matud pa ni Gullas iyang gitan-aw ang Agosto - Mayo nga academic calendar apan kinahanglan pang mohimo og dugang pagtuon kabahin niini.
Ang UV Center for Research and Development gitahasan paghimo og ‘quick survey’ sa mga tinun-an, mga ginikanan ug mga faculty members sa maong plano.
Base sa pasiunang resulta sa survey niadtong Enero 8 ngadto sa 9, ilang gipangutana ang 369 ka mga tinun-an, napulo ka ginikanan ug 77 ka faculty members, migawas nga mas daghan gihapon ang gusto sa June-March school calendar.
Matud pa nga 70 porsiyento mga ginikanan, 75.38 porsiyento sa faculty members ug 66.49 porsiyento sa mga estudyante ang pabor sa karaang school calendar.
Gawas sa pagpreparar sa mga estudyante alang sa global competition, gikonsiderar usab nila ang nagkadaghang mga langyaw nga mga tinun-an nga nagtungha karon sa UV nga nagkuha og Medicine, Dentistry, Pharmacy, Nursing ug Engineering. Kung ugaling ipatuman kini sa UV, sa tuig 2015-2016 pa kini maimplimentar aron makapangandam ang tanan tungod kay mangahulogan kini nga dunay duha ka bakasyon nga mahitabo sa dili pa hingpit nga magsugod ang bag-ong school calendar ug gihuna-huna usab nila ang kahimtang unya sa mga magtutudlo sa maong duha ka bakasyon. (BANAT NEWS)
- Latest
