Nagpatoo nga CITOM nanulis

CEBU, Philippines - Duha ka tawo nga matud pa nagsul-ob og T-shirt nga gimarkahan og CITOM nanulis og batan-on kaniadtong miaging Miyerkules didto sa dalan Cabreros, Barangay Basak-San Nicolas, dakbayan sa Sugbo.

Ang 15-anyos nga biktima miingon nga kalit lang miduol kaniya ang duha ka tawo nga nagsakay og pula nga motorsiklo ug gitiunan siya og pistola dayon gipangayo ang iyang selpon nga kantidad og P4 mil.

Human makuha ang selpon sa batan-on, ang mga tulisan mipaturatoy pagpadagan sa ilang motor paingon sa Barangay Inayawan. Ang biktima mi-report na lang sa hitabo ngadto sa Mambaling police station.  (BANAT NEWS)