Tighimo og paltik sa Danao nadakpan
CEBU, Philippines - Usa ka tighimo og mga paltik nga armas sa dakbayan sa Danao nadakpan sa mga sakop sa Criminal Investigation and Detection Group (CIDG) 7. Usa sa iyang mga kauban daling nakaeskapo sa milabay’ng hapon. Si Superintendent Fermin Armendares III, deputy chief sa CIDG 7 mibutyag nga nakompirmar sa ilang surveillance nga manghimoay og armas si Dennie Mata Barriga ug ang ig-agaw niini nga nakaeskapo nga si Fraulin Mata.
Sumala pa ni Armendares naaktohan nila ang duha nga namuhat og armas sa ilang pagronda apan daling nakadagan si Mata ug wala madakpi. Nakuha sa maong operasyon ang mga gipanghimo pang kalibre 45 nga pistola ug mga magazine, mga bala ug uban pa nga kahimanan paghimo og armas.
Si Senior Supt. Ritchie Posadas, hepe sa CIDG 7 miingon nga kabahin kini sa kampanya sa mga loose firearms dinhi sa rehiyon. (BANAT NEWS)
- Latest
