RTWPB gitawag og inutil sa mamumuo

CEBU, Philippines - Dako nga kasagmuyo ang misugat sa mga mamumuo sa adlaw sa gugma kagahapong adlawa. Kini tungod kay wala giaprobahan sa Regional Tripartite Wages and Productivity Board (RTWPB) ang giduso nila nga usbaw sa suholan ug  gihatagan lang og P13 cost of living allowance (COLA).

Ubos sa labing uwahing wage order, molanat lang og unom ka buwan ang COLA sa tanang minimum wage earners sa rehiyon.

Si RTWPB-7 labor representative Jose Tomongha mipadayag sa iyang kasagmuyo ug nangayo og pasaylo ngadto sa mamumuo nga wala  niya madepensahe ang ilang petisyon. Niadtong Oktubre 2012, misang-at ang APL ug P132 wage increase petition samtang laing petisyon ang gipadangat sa Associated Labor Union (ALU) ngadto sa RTWPB nga P90. Tungod sa nahitabo si Tomongha mibahad nga mo-resign na isip representante sa mga mamumuo ug gihulagway niyang walay pulos ug inutil ang board. Nanawagan sila karon nga maayo pang bungkagon na lang ang RTWPB ug ilisan kini sa National Living Wage Commission nga ang mandato mao ang living wage sa tibuok nasud ug across the board ang epekto  sa wage adjustments nga ilang madesisyonan. (/EIM)(BANAT NEWS)