Mayor JVR sa Talisay nanimalos
CEBU, Philippines - Si Talisay City Mayor Johnny V. De los Reyes mibahad nga ibanan niya ang quota sa mga job order (JO) nga kawani alang ni Konsehal Aldin Diaz ingon man ang sa pito ka konsehal nga ubos sa Alayon.
Kini maoy reaksyon sa mayor human si Konsehal Diaz ug ang pito ka laing konsehal nga kaalyado sa Alayon mibotar nga dili siya mahatagan og “blanket authority†sa pag-aprobar sa tanang kontrata ug kasabotan nga naglambigit og kantidad nga dili mosubra sa P3 milyones.
“Kadtong mibabag, tag-lima na lang†matud ni De los Reyes kinsa nagpakita sa iyang pagkadismaya kang Konsehal Diaz nga iyang kaalyado sa Liberal Party.
Giisip karon ni Mayor JVR nga tulo na lang ka konsehal ang iyang kaalyado nga mao sila si Valeriano Ylanan, Danny Caballero ug Dennis Basillote.
Ang laing kaalyado ni Mayor JVR sa Liberal Party mao si Bise Mayor Romeo Villarante apan dili kini makabotar kun maglingkod siya nga presiding officer atol sa sesyon.
Pagkakaron, si Konsehal Eduardo “Digul†Gullas, III ug ang presidente sa Association of Barangay Captains (ABC) nga si Konsehal Raul Cabañero gihatagan lang og tag-lima ka Job Order nga kawani samtang ang ubang konsehal dunay ‘tag 20 ka quota. Apan ang mga kaalyado ni Mayor De los Reyes gihatagan niya og 50 ka quota sa mga JO. Matud ni De los Reyes nga wala na siya’y mahimo kang Diaz sa wala pagsuporta niini ngadto kaniya.
“Wa ko’y mahimo, wala man siya mi-support nako. Ako untang gusto nga malipay ta, magkauban ta pero mogawas man g’yud nga dautan ko ug tulisan koâ€, ni De los Reyes pa.
Matud ni Diaz wala siya’y mahimo kung ibanan sa mayor ang iyang quota sa JO. (BANAT NEWS)
- Latest
