Babaye naglaslas sa pulso

CEBU, Philippines - Naluwas sa kamatayon ang usa ka babaye nga buot untang magpakamatay didto sa Sitio Sudtongan, Barangay Basak, dakbayan sa Lapu-Lapu sa milabay’ng gabii.

Ang buot magpakamatay mao si Manilyn delos Santos, 30, dalaga apan dunay kapuyo.

Base sa pasiunang imbestigasyon ni PO2 Jerson Alparito nga si De Los Santos napalgan na lang sa iyang amiga sulod sa giabangang lawak nga naglaslas na sa iyang pulso ug nagkadugo hinungdan nga nangayo siya’g tabang.

Ang mga miresponde nga sakop sa Emergency Rescue Unit Foundation (ERUF) dali nga midala sa biktima sa Mactan Doctors Hospital. Paglabay sa pipila ka gutlo gipapauli ra si De Los Santos sa mga doktor.

Wala gayud motug-an si De Los Santos ngano nga buot unta siya nga magpakamatay.   (BANAT NEWS)