“Lovers” gipahimangnoang di mag eskandalo sa Valentines Day
CEBU, Philippines - Karong nagkaduol na ang Valentine’s Day, mipahimangno ang kapolisan sa mga naghinigugmaay nga dili magbuhat og malaw-ay sa pangpubliko nga lugar.
Si Insp. Enrique Belciña ang hepe sa Police Community Relations (PCR) sa dakbayan sa Sugbo miingon nga kinahanglan nga ipatigbabaw unta nila ang moralidad.
“Atong protocol og wala lay eskandalo nga gibuhat di man siguro na ngil-ad, common sense sa polis (ang gamiton), naa man gyud nay limitations. Karong tuiga, tumong sa kapolisan nga bantayan ang mga lugar nga sagad adtoan sa mga managhigugmaay sama sa mga hotel, restaurant, mga parke, plaza ug motel.
Sumala pa ni Belciña nga tumong nila ang police visibility aron malikayan ang krimen sa adlaw sa mga managhinigugmaay.
“Ang atong kapolisan ana during that time will focus on crime prevention on areas like restaurants, hotels, motels, ato is to prevent nga naay manghitabo,†dugang ni Belciña.
Bantayan sab sa kapolisan ang South Road Properties diin daghan sab nga mga tawo ang moadto aron magpalabay sa panahon. “Naa man tay assigned diha nga SRP police, special instruction na sa ilaha nga naay visibility,†matud pa ni Belciña.
Miingon siya nga aron malikayan nga di mauwawan tungod sa eskandalo mas maayong ipahiluna una ilang mga kaugalingon sa mas pribadong dapit. (/EIM)(BANAT NEWS)
- Latest
