CEBU, Philippines - Mireklamo ang usa ka opisyal sa kapolisan sa rehiyon tungod sa report sa mga international news nga grabe na ang pagkuyanap sa cyber-pornography sa Sugbo.
Si Insp. Maria Theresa Macatangay, hepe sa Regional Anti-Human Trafficking Task Force (RAHTTF) miingon nga dili makiangayon nga ipasangil sa Pilipinas nga kini ang “source†sa cyber-pornography.
Matud ni Macatangay nga sagad sa nabiktima mga Caucasians ug 17% lang niini ang mga Asians. Sumala ni Macatangay nga ang 17% dili lang naggikan sa Pilipinas kondili duna say gikan sa ubang nasud sa Asya.
“The Philippines is not the source of cyber pornography, I do not know why we are singled out,†matud pa ni Macatangay.
Hinuon miangkon si Macatangay nga dunay ingon niining mga krimen sa nasud apan dili kini susama sa problema sa ubang nasud diin grabi ang pagkuyanap niini.
“Cyber porn exists, but it’s not prevalent compared to other country,†matud ni Macatangay.
Si Macatangay miingon nga basin ang ilang mga kalampusan maoy gibasihan sa mga international anti-human trafficking organizations maong nakaingon sila nga mikuyanap ang cybersex crimes sa Sugbo.
Miangkon usab ang opisyal nga tungod kay ang Sugbo maoy usa sa mga information technology hubs sa nasud posible nga gigamit kini sa ubang mga dautang elemeto sa ilang dautan nga buhat.
Sumala pa ni Macatangay nga gipangitaan na nila kini og paagi kun unsaon pagsulbad. (BANAT NEWS)