Sakop sa maritime group imbestigahon
CEBU, Philippines - Gisugdan na ang imbestigasyon sa kasong administratiba batok sa sakop sa PNP Maritime Police nga si PO3 Edwin Tumangan nga nasikop sa kapolisan sa lungsod sa Medellin human kini gilambigit sa kamatayon sa usa ka lalaki sa maong lungsod.
Matud sa Director sa Police Regional Office 7 Chief Supt. Danilo Constantino nga ang Maritime Group maoy mihimo sa imbestigasyon. Matud niya andam siyang ipasa ang mga ebidensya ngadto sa kadagkoan sa maong polis kung gikinahanglan sa ilang imbestigasyon.
“Pwede i-turn over ang available pieces of evidence para sa administrative charges,†matud pa ni Constantino.
Kun mapamatud-ang sad-an, hayan mataktak sa serbisyo ang maong polis.
Apan ang kasong murder, gipasaka na sa Medellin police station batok sa duha.
Si Tumangan nasikop sa kapolisan sa Medellin niadtong Sabado sa gabii human gipasanginlan nga maoy mimaneho sa getaway motorcycle ni Mark Ben Anthony Monteron human gipusil patay si Linley Saplad.
Ang duha naabtan sa balay ni Monteron ug mitahan lang tungod sa tabang ni Mayor Ricardo Ramirez. (BANAT NEWS)
- Latest
- Trending
