Masiao ushers nadakpan

CEBU, Philippines - Nasikop sa kapolisan ang usa ka 58-anyos nga babaye nga giingong nalambigit pamaligya og masiao niadtong Lunes sa gabii diha sa barangay Tabunok, dakbayan sa Talisay.  Ang suspetsado mao si Priscilla Raga alyas “Nanay” taga Tabunok nga nasikop sa team nga gipangulohan ni SPO1 Edgar Causon. Si Raga giingong nalambigit sa illegal nga sugal nga masiao nga nakalapas sa Republic Act 9287 kon “illegal numbers game”.

Naimbargo sa mga polis gikan kang Raga ang usa ka stub booklet nga dunay carbon paper nga dunay nakasuwat nga mga kombinasyon sa numero, duha ka tip sheets, duha ka ballpen, P90 nga kwarta nga gituohang halin sa ilegal nga sugal. Ang mga namusta og masiao ang naglibwag og panagan dihang miabot ang mga polis diha sa lugar. (BANAT NEWS)