Dugang deliberasyon sausbaw sa suholan gitakda
CEBU, Philippines - Ang Regional Tripartite Wage and Productivity Board-7 magsugod sa ilang deliberasyon sa usbaw sa suholan sa mga mamumuo karong Pebrero 6 ning tuiga.
Si Chona Mantilla, ang RTWPB-7 chairperson miingon nga gipili nila ang maong petsa tungod kay kompleto ang tanang miyembro sa board sa maong adlaw.
Human niini, dunay laing round sa deliberasyon ang himuon sa Valentine's Day, (Pebrero 14), matud pa ni Jose Tomongha, usa sa mga labor representatives sa RTWPB-7.
Ang RTWPB-7 mipahigayon og mga public hearings kabahin sa maong petisyon sa upat ka mga probinsya sa Central Visayas, ug dinhi sa Cebu ang kataposan niadtong Huwebes.
Ang National Economic Development Authority-7 ug Department of Trade and Industry-7 mipresentar sa economic situation sa Region VII ug mga presyo sa palaliton.
Si Mantilla, kinsa mao say regional director sa Department of Labor and Employment-7 miangkon nga di pa siya makaingon kung mauyonan ba gyud ang gipangayong usbaw o dili.
"It is not only me who shall decide whether there has to be an increase in wages or not because it is the board who shall decide," matud pa niya.(Edwin Ian Melecio ug Mitchelle Palaubsanon sa The Freeman/EIM) (BANAT NEWS)
- Latest
