Basyang gipaabot motugpa sa Sugbu karong buntag

CEBU, Philippines - Ang bagyong Basyang nasigpatan karon gibana-banang 500 kilometros sa sidlakan amihanang sidlakan sa Hinatuan, Surigao del Sur base sa datos sa Philippine Atmospheric and Geophysical Services Administration (Pagasa)  sa alas 4 sa hapon kagahapon.

Ang bagyong Basyang nasigpatan karon gibana-banang 500 kilometros sa sidlakan amihanang sidlakan sa Hinatuan, Surigao del Sur base sa datos sa Philippine Atmospheric and Geophysical Service Administration (Pagasa) kagahapon sa alas 4 sa hapon kagahapon.

Si Basyang nahimutang sa 201 kilometro sidlakan sa Surigao City, Surigao del Norte  nga may maximum winds nga 85 kph duol sa mata niini ug unos nga 100 kph. Gibanabanang nag-irog kini padung sa kasadpan sa gipaspason nga 33 kph.

Si Basyang gilaumang moabot sa Naga City, Cebu karong adlawa ug 133 km sa amihanang kasadpan sa Puerto Princesa City sa Domingo sa buntag. Inig ka Lunes sa buntag si Basyang gipaabot nga mahimutang sa 729 km sa kasadpan amihanang kasadpan sa Puerto Princesa City o gawas sa Philippine Area of Responsibility (PAR).

Ang mga lugar sa Visayas nga ubos sa signal number 2 gilangkuban sa Cebu, Bohol, Leyte, Southern Leyte, Eastern Samar, Samar ug Isla sa Camotes. Samtang ang mga lugar sa  Mindanao nga ubos sa signal number 2 gilangkuban sa Camiguin, probinsiya sa Dinagat, Surigao del Norte lakip ang Siargao Island, amihanang bahin sa Surigao del Sur ug amihanang bahin sa Agusan del Norte. Ang mga lugar nga ubos sa signal number 2 makasinati kini og gikusgon sa hangin gikan sa 61-100 kph sulod sa 24 oras.

Ang mga lugar sa Luzon nga ubos sa signal number 1 naglangkub sa Masbate ug Cuyo Island. Samtang sa Visayas nga ubos sa signal number 1 naglangkub sa amihanang Samar, Isla sa Biliran, Aklan, Capiz, Antique, Iloilo, Guimaras, Negros Occidental ug Siquijor.

Ang mga lugar sa Mindanao nga ubos sa signal number 1 naglangkub sa Misamis Oriental, Misamis Occidental, ubang parte sa Agusan del Norte, ubang parte sa Surigao del Sur, Agusan del Sur, amihanang bahin sa Bukidnon ug Zamboanga del Norte. Ang mga lugar nga ubos sa signal number 1 gilaumang makasinati og gikusgon sa hangin gikan sa 30-60 kph sa mosunod nga 36 ka oras.

Dinhi sa Sugbu, dunay 1,165  ka pasahero nga na-stranded sa tibuok lalawigan sa Sugbu, 407 sa Tagbilaran City  tungod sa bagyong Basyang.

Sumala pa sa facebook account sa Philippine Coast Guard sa alas-3 hapon nila nga notisya, 42 ka barko sa Cebu nga gilangkoban sa roll-on-roll off nga barko ug mga motorbanca ang gidid-an sa paglawig, samtang duha sa Tagbilaran usab ang wala palargaha sukad pa sa miaging gabii.

Dinhi sa Cebu City, 500 ka pamilya sa coastal area sa barangay Ermita ang gipabakwit lang una sa Carbon Public Market tungod sa nagsingabot nga bagyo. Ang mayor mideklarar sa siyudad nga “under state of preparedness” ug gialerto na ang tanang mga sakop sa CDRRMC.

Gialerto usab ang mga bukirong barangay nga peligro sa pagdahili sa yuta ingon man niadtong mga nagpuyo duol sa mga sapa sa paghiklin lang una sa mas luwas nga mga dapit.

Ang Public Information Officer sa Mandaue nga si Roger Paller mibutyag nga mipagawas na og kamandoan si Mayor Jonas Cortes nga mangandam nang daan ang City Disaster Risk Management Council (CDRRMC).

Gideklarar usab ni Cortes nga way klase sa Mandaue City karong adlawa. Lakip sa gipa-monitor ni Cortes mao ang Butuanon River nga posibleng moawas.  (/EIM)(BANAT NEWS)