Pagpadala’g OFW sa Thailand gidili

CEBU, Philippines - Mipagawas og deployment ban ang Philippine  Overseas Employment Administration (POEA) sa mga bag-ong  na-hire  nga Overseas Filipino Workers (OFWs) alang sa upat ka dapit sa nasud sa Thailand.

Si Elvira C. Bongosa  sa Philippine Information Agency (PIA) nagkanayon  nga  gibutyag  ni POEA  Administrator Hans Leo Cacdac, ang   mga dapit diin dili una padad-an og mga OFWs nga mao ang Bangkok, Nonthaburi Province, Lad Lum Kaew District  (Pathumthani Pro­vince), ug Bang Phli District  (Samutprakan Province).

Midugang  si  Bongosa  nga ang pagpatuman sa maong deployment ban nagsukad  sa pag-isa sa Department of Foreign Affairs (DFA) sa Crisis Alert Level 2 sa maong mga dapit human   ideklarar sa kagamhanan  sa Thai   ang 60 diyas nga  state of emergency tungod sa nagkadaku nga  kagubot  sibil sa nahisgotan nga lugar.  (BANAT NEWS)