Kalihokan sa NPA sa Negros napugngan
CEBU, Philippines - Namenosan ang kalihokan ug ang gidaghanon sa mga rebeldeng New People’s Army matud pa sa opisyal sa Central Command.
Si Brig. General Francisco Patrimonio, commander sa 302nd Brigade miingon nga namenosan gyud nila ang kalihokan sa mga NPA sa isla sa Negros, apan wala hinuon siya makahatag og eksaktong gidaghanon.
Matud pa ni Patrimonio nga importante nga mamenosan ang kalihokan sa mga rebelde sa Negros aron dili na kini makatapon sa Cebu ug Bohol.
“Before they will go to Cebu or Bohol they will make sure that the area is prepared for an armed group,†matud pa ni Patrimonio. Matud pa nga kinahanglan nga mamenosan ang numero sa mga rebelde ug ang gidaghanon sa mga armas sa mga rebelde.
“One way para hindi sila makakabalik we have to neutralize NPA in Negros, neutralizing means ma-reduce natin ang numbers nila saka yung baril nila,†dugang ni Patrimonio.
Apan miingon si Patrimonio nga maayo pa nga magmintinar sila og mga legal nga mga pundok apan dili lang moalsa sa ilang armas.
“Ok lang kung they will maintain their legal organization in redressing legal issues for as long as walang baril,†matud ni Patrimonio.
Ang Joint Task Force-7 commander and Centcom Deputy Commander Brig. Gen. Romeo Labador miingon nga nakig-alayon sila sa Police Regional Office 7 alang sa pagpatunhay sa kahapsay ug kalinaw sa tibook rehiyon. (BANAT NEWS)
- Latest
