Mga opisyal sa PAPI Cebu Chapter manumpa karon

CEBU, Philippines - Ang  Publishers  Association of the Philippines, INC. (PAPI) mopahigayon  sa iyang  unang  induction ceremony  sa mga opisyal  sa PAPI Cebu Chapter sa Sacred Heart Center, sa dalan  Jakosalem unyang alas  6:00  sa gabii.

Ang  mopapanumpa  o induction  officer  mao  si Juan O. Dayang, ang chairman sa PAPI  kinsa  sa samang higayon  mao  usab  ang  keynote speaker.

Motambong  usab  ang presidente sa PAPI nga  si Luis T. Arriola, ug mga  nasudnong  opisyal nga  sila si Andy L. Manatad, nga maoy PAPI Vice President for  the  Visayas, Edna  B. Cuyno, nga  maoy director  for  Mindanao, Sheryl Mallari Asprec, PAPI Secretary ug Nelson S. Santos,  PAPI Treasurer.

Samtang  ang  manumpa  usab  nga  mga charter  officer  sa PAPI Cebu Chapter  mao  si Engr. Greg S. Senining, president, Sam O. Costanilla, vice president, Jun  Basadre,  Secretary, Loy S.  Jurado, Treasurer, Wen Celen, Auditor.

Mga Director  nga  sila  si  Max Andrino, Dr. Paulus Mariae L. Cañete, Sonny Gabiana, Atty. Reymond Alvin N. Garcia, Atty. James F. Lobedica. Efren Lonzon,  Andy  L. Manatad, Daday Melgar, Gregg  M. Rubio, Jose P. Sollano ug Juanito V. Jabat.

Gibutyag ni  Engr. Senining  nga   kining  pundok sa PAPI Cebu chapter  natukod  sa  pagpasiugda  ni  Andy L. Manatad  kinsa  maoy unang  natapi  sa PAPI  national  capter.

Nagsugod  ang  kalihukan  sa PAPI Cebu chapter  niadtong  milabay’ng  Disyembre diin  gitudlo pag-una  ang  mga  haligi  sa grupo   ug matag  semana  may  panagtagbo  kining gihimo.

Si  Engr. Senining   kinsa  usa ka  aktibong lider    maoy  kanunay  nga  nanguna  sa  mga  kalihukan  sa PAPI Cebu Chapter.

Gituohan  usab  nga  pinaagi   niini, mahimo  nga  sinugdanan  sa hugot nga  panaghiusa ug   mga  dagkong  kalihukan  nga  salmotan  sa  mga  publisher  sa  mga  pamantalaan , magazine  ug  uban pang  mga  basahon  sa Sugbo. (BANAT NEWS)