Jalosjos mitahan sa CIDG-7

CEBU, Philippines - Human sa di-momenos 45 ka mga katuigan ang milabay, pormal na gyud nga mitugyan sa iyang kaugalingon si ex- Dapitan City Mayor Dominador Jalosjos Jr. sa mga awtoridad.

Sumala pa ni Atty. Inocencio de la Cerna, abogado ni Jalosjos nga niadtong Huwebes, pormal na nga gidawat ni Jalosjos Jr. ang iyang silot human sa mando ni Judge Soliver Peras nga siya bilanggoon apan tungod kay anaa pa siya karon sa hospital  tungod sa komplikasyon sa kasing-kasing ug hypertension, wala lang una siya gibutang sa prisohan.

“Actually, service of sentence na man gud ni but officially we voluntarily surrendered to the CIDG-7, we wrote a letter nga we would like to inform the agency to take over the custody of our client,” sumala pa ni Atty. dela Cerna.

“Gipa-arrest siya, since naa man siya sa hospital, karon pa siya mo-serve sa one year and six months,” pulong pa ni de la Cerna.

Dugang pa niya nga mapasalamaton sila tungod kay gipaboran sa korte ang kondisyon sa iyang kliyente ug nga gidawat ang medical certificate isip igong ebidensiya sa pagka-ospital sa iyang kliyente.

“Naay order of commitment si Judge (Peras) nga his detention will now be interpreted as service of his sentence kay operahan man siya and we have the medical records to support it,” pulong pa ni de la Cerna.

Sumala pa sa medical certificate ni Jalosjos nga gi-issue ni Dr. Peter Mancao sa Cebu Doctor’s University Hospital nga siya na-diagnose tungod kay duna siya’y komplikasyon sa iyang kasing-kasing ug duna pud siya’y hypertension.

Niadtong tuig 1969, si Jalosjos nakombikto sa kasong pagpangawat ug nagtuo siya nga naka-file na siya og probation niadto nga iyang kaso.

Sa iyang pagpapili isip gobernador sa lungsod sa Zamboanga, nasuta sa iyang oposisyon nga duna diay siyay nag ung-ong nga kaso sa korte.

Sa pagkakaron, si Jalosjos, anaa nagpa-confine sa Cebu Doctor’s Hospital. (Melissa Q. Cabahug, USJR Intern/EIM) (BANAT NEWS)