Mga namuhi og baboy nabalaka sa klima
CEBU, Philippines - Gitug-an sa kahugpungan sa mga hog raisers dinhi sa Kabisay-an nga nabalaka silang maapektohan usab sa bugnaw nga panahon ang mga piggery farms. Sumala pa nga nangaluya ang mga baboy sa mga tangkal ug nabalaka silang mangamatay kini ug maalkanse na hinuon sa ilang kitaon.
Gipahibawo hinuon sa pangulo sa Central Visayas Meat Producers Cooperative nga si Rolando Tambago, nga wala pa sila makadawat og report gikan sa ilang mga miyembro nga may nangamatay nang mga binuhing baboy tungod sa kabugnaw sa panahon karon.
Apan bisan pa man niini, ang iyang mga kaubanang mga meat producers naghimo na og lakang aron matambalan ang sakit sa mga baboy pinaagi sa paghatag og tukmang nutrisyon sa mga binuhi niini ug ang pagpalit og mga ekipo nga makapainit sa kondisyon sa mga baboyan. Ang maong pundok maoy nag-supply sa kamerkadohan og karneng baboy. (BANAT NEWS)
- Latest
