Quarrying sa Toledo ipahunong na
CEBU, Philippines - Hingpit nga pag-ban sa pangubkob og bas ug graba sa sapa sa Sapangdaku ang tinguha karon sa kagamhanan sa dakbayan sa Toledo.
Ang konseho nipasar og resolusyon nga gipangamahanan ni Konsehal Helen Jill Espinosa alang sa pagpahunong sa operasyon hangtud sa lima ka tuig. Kini human gitumbok nga grabeng nakaguba sa sapa ug nakadaut sa kinaiyahan.
Apan si Mayor John Henry “Sonny†Osmeña nagkanayon nga naproblema sila sa Department of Environment and Natural Resources (DENR) tungod sa sigeng isyu niini og industrial permit ngadto sa mga quarry operators.
May problema usab sa pagpatuman sa Provincial Environment and Natural Resources Office (PENRO) sa balaud.
“Ang akong solusyon is total ban, dili na tugutan nga magkuha pa og balas ug graba sa sapa kay madaut ang atong environment,†matud pang Osmeña. Ang PENRO kanunay’ng nagpahigayon og pagpanakop sa mga paghakot sa bas ug graba nga gikuha pinaagi sa ilegal nga pamaagi apan namatikdan ni Osmeña nga nagpadayon gihapon ang kalihukan.
“Ang mga checkpoints sa DENR ug sa Capitol tunulan lang og tag P500 kay ang usa ka truck load worth P14,000. That is really a problem of enforcement,†sumala pa ni Osmeña.
Giklaro ni Osmeña nga ang hingpit nga pag-ban sa pagpangubkob sa bas ug graba makapasayon sa pagpatuman sa balaud sanglit dili na man makagamit ang usa ka operator sa permit nga giisyu sa DENR. (BANAT NEWS)
- Latest
