Fire Marshall sa Mandaue gibalhin sa Bohol

CEBU, Philippines - Gihulipan   na ang City Fire Marshall sa Mandaue nga si Fire  Chief Inspector Ronaldo Orbeta   sa  iyang  katungdanan  ug  gibalhin  ngadto  sa  Bohol  isip  provincial  fire marshall  didto.

Si  Orbeta   giingong   naapektohan  sa   lahugay  nga  gipatuman  sa mga  opisyal sa kabomberohan   sa rehiyon  7.            Si Fire Senior Inspector Joel Abarquez nga kanhi City Fire Marshall sa dakbayan sa Naga maoy   mihulip kaniya sa katungdanan isip bag-o nga City Fire Marshall sa dakbayan sa  Mandaue.           

Si Chief Inspector Bongabong nga nahinabi sa mga tigbalita miingon nga gikalipay kaayo niya nga ubos sa iyang pagdumala sa kabomberohan sa dakbayan sa Mandaue nga wala kaayo’y dagkong alarma sa sunog.            Dugang pa niya nga dako ang iyang  pagtuo nga tungod kini sa gipatumnan niyang programa nga “Oplan Paalaala” nga iyang gipanghinaut nga ikapadayon usab  sa mosunod nga modumala.           

Sa nasayran, si Orbeta maoy nadistino isip city fire marshall sa Mandaue dihang iyang gihulipan usab sa katungdanan ang kanhi fire marshall,  nga si Fire Chief Inspector Rogelio Bongabong. (BANAT NEWS)