German nakuota’g P5 mil cash

CEBU, Philippines - Nasakiyo  sa wala  hiilhing  mangunguot  ang  P5,000   ug ubang  mga  butang  sa pitaka  sa   usa ka German national   didto  sa  dalan   sa USC Main P. Del Rosario St., barangay Kamagayan ning dakbayan sa Sugbo sa   miaging gabii.

Ang  biktima  mao  si  Walter Schweiz, usa ka German national, 66, ug kasamtangan nga nagpuyo sa barangay Guadalupe.

Matud  pa  sa biktima  nga  samtang  naglakaw  siya  sa dalan,   usa ka wala  hiilhing  lalaki   ang kalit  nga miduol kaniya   ug  wala  siya’y  kalibotan  nga gikuot  ang  iyang pitaka  sa tuo  niya nga  bulsa.

Miingon  ang  langyaw  nga  maayo  na lang  kay wala  siya  makabantay  kay  kun  iya  pang  namatngunan siguradong  malukapa  sa iyang  kumo  ang  mangunguot.

Nakuha kang Schweiz ang usa ka men’s wallet nga may sud nga German passport, kwarta nga nagkantidad og P5,000, BDO ATM Card, German visa card, rehistro sa Nissan Ferrare, driver’s license, yawe sa sakyanan ug sa panimalay ug usa ka cheke sa Allied Bank.

Sa pagkakaron, kasamtangan pang nagpahigayon og imbestigasyon ang Parian Police Station 1   ug  gipangita niini  ang  mangunguot. (/WC)(BANAT NEWS)