Trak sa basura patabonan kay baho
CEBU, Philippines - Si Talisay City Councilor Antonio Bacaltos, Jr. miawhag sa kagamhanan sa Talisay ug sa 22 ka mga barangay nga unta tabonan ang mga garbage truck kung mangolekta og basura aron dili moalisngaw ang baho.
Si Bacaltos kinsa maoy chairman sa committee on environment nagkanayon nga adunay mga residente sa kabarangayan ang mireklamo bahin sa kabaho sa basura tungod kay walay takub ang garbage truck.
Si Bacaltos miawhag kang Mayor Johnny De los Reyes bahin sa mandato sa ahensiyang hingtungdan ug sa kabarangayan sa Talisay sa pag-implementar sa Section No. 24 sa Akta Republika 9003 kon “Ecological Solid Waste Management Act.â€
Ang maong balaod nagmando sa pagtabon sa mga garbage truck samtang nagbiyahe nga adunay kargang basura.
Ubos sa Akta Republika No. 7160 kon “Local Government Code†kini nagmando nga ang LGU maoy unang responsabli sa pag-implementar sa probisyon sa nahisgutang balaod ubos sa ilang hurisdiksiyon.
Matud ni Bacaltos nga ang LGU maoy angayang mangulo o ehemplo sa pagpatuman sa balaod. (/WC)(BANAT NEWS)
- Latest
