CEBU, Philippines - Posibleng mag-atubang og kasong administratiba ang polis sa Mandaue nga midakop sa usa ka taxi driver nga miuli sa cellphone nga nahibilin sa iyang taxi sa usa ka tv network.
Matud pa sa City Director sa Mandaue City Police Office nga si Senior Supt. Petroneli Baldebrin nga nahinabi sa mga tigbalita nga naghulat siya sa mga affidavit sa mga saksi aron maimbestigahan ang maong hitabo.
“Mas maayo siguro nga katong nag-alleged ana nga mao nay iyang gibuhat nga makuhaan nato’g statement aron ma-formally charge nato siya administratively,†dugang ni Baldebrin.
Sumala pa ni Baldebrin nga kun tinuod ang maong pasangil nga nagtak-in sa iyang armas si PO2 Brent Fulmaran, ang maong polis posible nga nakalapas kini sa gun ban.
“Kung kuhaon nato nga information nga ing-ana, nga with this time nga naka-gun ban ta nga nakasibilyan siya, may violation,†dugang ni Baldebrin.
Apan iyang gitataw nga kinahanglan nga mohatag sa ilang statements ang mga saksi aron pormal nga mapasakaan og kaso ang maong polis ug aron maimbestigahan ang maong insidente.
“But as I said, let that person nga nakakita nga nakasibilyan siya nga nagdala siya’g armas to appear before us so that we can get statements, so that we can file him administratively,†matud pa ni Baldebrin, ang maong senaryo televised sa balita sa Balitang Bisdak niadtong tungora nga nakaputi siya og pang-ibabaw.
Sumala pa nga usa ka taxi drayber ang mi-uli sa nakit-an niya nga i-Phone sa GMA-7 nga gipanag-iya sa usa ka langyaw.
Apan misulod sa GMA-7 newsroom ang usa ka polis nga wala magpaila (nga nailhan nga si PO2 Fulmaran) sa iyang kaugalingon Ug midakop sa taxi drayber.
Apan nasayran sa Banat News nga nakabuhi na hinuon ang maong taxi drayber. (BANAT NEWS)