Mga balay patigayon pataora’g CCTV camera
CEBU, Philippines - Gisugyot ni Mandaue City Police Office Director P/SSupt. Petronille Baldebrin nga mag-umol og ordinansa ang siyudad nga angay magpataod og CCTV camera ang mga dagkong establisamento sa dakbayan sa Mandaue.
Atol sa gipahigayong inspection ni SSupt. Baldebrin uban sa mga opisyal sa MCPO sa mga establisamento, kadtong aduna nay CCTV camera nga mga dagkong tindahan o financial institution iyang pabutangan og sticker nga "inspected" human nila kini ma-inspection.
Matud pa ni SSupt. Baldebrin nga dako og ikatabang ang CCTV camera sa mga dagkong establisemento sa pagsulbad sa krimen kay mao kini mogiya sa mga otoridad sa pagsulbad sa kaso.
Gumikan niini gisugyot ni Baldebrin nga himoan og usa ka ordinansa nga magpugos sa mga negosyante nga adunay P5 milyones nga puhonan, nga butangan og CCTV camera ang ilang balay patigayon alang sa ilang seguridad. (BANAT NEWS)
- Latest
