Gun ban gisugdan na’g patuman

CEBU, Philippines - Human mapirmahi ni PNP Dir. Gen. Alan Purisima ang request sa Police Regional Office 7 nga did-an ang si bisan kinsa sa pagdala og armas sa tibook Sugbo atol sa kasaulogan sa Sinulog, epektibo na ang gun ban sukad  kagahapon sa kaadlawon  ang  maong gun ban  magpadayon  hangtud  sa  Enero 22.  Matud ni Carranza nga kadtong mga police, militar ug mga civilian nga may pagtugot lang ang mahimong magdala og armas.   Apan gitataw niya  nga ang polis ug military kinahanglan nga magsul-ob sa ilang prescribed uniform kun magdala  og armas.      Mipahimangno si Carranza nga kung dili mag-unipormi ang mga polis unya magtakin kini og armas, ila gyung dakpon bisan kun kinsa pa kini. 

Midugang  ang  maong  opisyal  nga ila nang gipahibalo ang ubang mga law enforcement agencies aron sila magiyahan sa pagpatuman niini sa ilang mga katungdanan.  (BANAT NEWS)