Commercial truck nga way sticker sa Kapitolyo, i-impound sugod Enero 20
CEBU, Philippines - Ang Kapitolyo miawhag sa mga negosyante nga mobayad na sa tinuig nga “fixed tax†alang sa ilang mga commercial truck haron kini dili ma-impound.
Si Capitol Security Officer Loy Anthony Madrigal miingun nga hugot na nila’ng iimplementar ang Article H, Chapter III sa Revenue Code of 2008 sa Sugbo diin ang Kapitolyo gihatagan og katungod alang sa pagpangayo og buhis sa kada sakyanan nga gigamit sa mga negosyante sa pagdeliber og mga produkto.
Matud pa sa Section 149 sa maong balaud, tanang delivery nga mga sakyanan nga moagi sa mga kadalanan sa probinsya bisan pa man og dili sila gikan sa Sugbo kinahanglan mobayad og “annual fixed tax†nga P550 sa Treasurer’s Office sa dili pa moabot ang ika-20 sa buwan sa Enero. Si Madrigal gihatagan og gahum ni Acting Treasurer Emmanuel Guial para mo-inspect, sakmit ug mo-impound sa mga sakyanan kung kini nakalapas sa maong balaud.
Si Madrigal miingun nga human mobayad ang mga tag-iya, hatagan sila og sticker para ipapalit sa mga sakyanan haron makit-an sa monitoring team. Matud pa niya nga sa miaging tuig, atol sa ilang gihimong checkpoint, nabantayan nila nga daghang truck ang wala’y sticker o wala maka-renew. Tungod niini, si Madrigal miingun nga gihatagan sila og higayon sa pagkuha sa maong sticker, ug karong Enero 20 ang katapusang lugway.
Kung dili gihapon makabayad sa maong buhis ang mga negosyante, matud pa niining Revenue Code, ang mga nakalapas aning balaura pabayron og 25 porsiyento nga surcharge ug laing dos porsiyento nga interest matag buwan.
“This week until Jan. 20 mag-conduct ta’g checkpoints sa highways, we flag down trucks and give them reminder kay by Jan. 20 i-enforce na. Basin unya madakpan sila, aduna nay penalties,†matud pa ni Madrigal. (BANAT NEWS)
- Latest
- Trending
