Mga Muslim mitudlo’g mga lider

CEBU, Philippines - Ang Muslim community sa dakbayan sa Lapu-Lapu opisyal na nga miproklamar sa ilang community leader sa ilang  panagtigom didto  sa barangay  Pajac, sa maong  dakbayan  sa miaging  Lunes. Ang  maong miting  gitambongan ni Atty. Charie Serapio  nga  nagrepresentar ni Presidente Benigno Aquino III. Ang Office of the Muslim Affairs (OMA) miila sa kapin sa 20 ka mga lider  nga  modumala  sa ilang  mga  kapunongan. Gitambongan  ang ilang  panagtagbo  sa kapin  sa  100 ka  mga sakop sa Muslim community sa maong dakbayan.

Si Jason Daligdig nga maoy Muslim community leader sa barangay Basak   mipadayag nga ang maong kalihokan maoy labing una nga nahitabo sa Kabisay-an tungod   kay kasagaran sa panagtigom  nila adto man himoa sa Mindanao , ang  dapit nga pinuy-anan sa mayoriyang mga Muslim.

Gipaila  sa maong  miting si Sultan Rajah Ibrahim Lapu-Lapu nga maoy nagsilbi nilang overall leader sa giproklamar nga mga “Datu” sa nagkalainlaing tribal communities.

Nahilakip  usab  si Rajah Ayonan Dola,  pinaagi kang Arafat Pabilla ug Rajah Sulaiman.

Samtang   pinaagi  kang Jimmy Imam nga naghupot og katungdanan nga sama usab sa mayor. Ubos  kanila   mao ang 17 ka mga Datu ubos sa ilang tagsa-tagsa ka teritoryo.

Dugang pa niya mao ang siyam ka mga “Bae” o mga lider nga mga babaye nga lakip usab sa giproklamar atol  sa maong panagtigom.

Sa nasayran  ang Tribal Customary Government dinhi sa nasud  natukod pinaagi  sa gipatuman nga balaod dinhi sa nasud nga Indigenous People’s Rights Act of 1997 ug PD 410-IPPRA Republic ACT 8371.  (BANAT NEWS)