BOC gilahugay na sab

CEBU, Philippines - Subling gipatuman sa Bureau of Customs (BOC) ang lahugay sa mga empleyado nga wala sa ilang kaugalingong plantilya o posisyon sa tanang   buhatan sa adwana sa nasud.

Matud pa ni Atty. Kern Sesante ang Chief of Staff sa BOC Port of Cebu nga nahinabi sa Banat News   nga  subli  kunong  gimando ni OIC Customs Commissioner John Philip Sevilla ang pag-implementar sa Customs Personnel Order B-134-2013 nga nagpabalik sa mga regular employees ug  kadtong  may  plantilla position.

Gumikan niini gimandoan ni  Sevilla ang mga District Collector sa tibuok  nasud sa pagpahigayon og head count sa ilang mga ginsakopan.                                     Adunay ubang empleyado nga angayang ipabilin una sa ilang pwesto dinhi sa Sugbo gumikan kay walay laing makapuli sa ilang gihuptan nga posisyon.

Usa niini ang mga empleyado sa customs nga madestino sa Mactan Economic Zone (MEZ) nga sila lamang ang adunay expertise sa import/export processing.

Hinuon mapasalamaton si Atty. Sesante sa ilang mga sakop nga bisan pa sa maong bag-ong kamanduan padayon   nga  mialagad  sa ilang mga kliyente. (/WC)(BANAT NEWS)