2014 tag-as og holiday

CEBU, Philippines - Gitakdang adunay upat ka tag-as  nga  holiday  ang gipaabot sa tuig 2014.

Kini base  sa report  sa Philippine  Information Agency (PIA) nga mibase sa Proclamation No. 655 nga gilagdaan ni Presidente Benigno ‘Noynoy’ Aquino III,

Miingon  ang  PIA nga nagsugod niadtong  Enero 31 (Biyernes) ang long holiday nga gideklarar isip special non-working holiday tungod sa Chinese New Year.

Long weekend usab ang Holy Week sugod Abril 17 (Huwebes Santo).

Samtang laing long weekend usab sa Agosto tungod kay matumong  kanunay sa katapusang Lunes sa buwan (Agosto 25) ang National Heroes Day.

Taas usab ang bakasyon alang sa Pasko karong 2014 tungod kay gideklarar nga special non-working days ang Disyembre 24 ug 26.  

Sumala  sa PIA  nga  ang mga regular holidays ang: Enero 1, Miyerkules (New Year's Day); Abril 9, Miyerkules (Araw ng Kagitingan); Abril 17 (Huwebes Santo); Abril 18 (Biyernes Santo); Mayo 1, Huwebes (Labor Day); Hunyo 12, Huwebes (Independence Day);  Agosto 25, Lunes (National Heroes Day); Nobiyembre 30, Domingo (Bonifacio Day) ; Disyembre 25, Huwebes (Adlaw sa Pasko); ug Disyembre 30, Huwebes (Rizal Day).

Samtang ang mga special non-working holidays mao ang: Enero 31, Biyernes (Chinese New Year); Abril 19 (Sabado de Gloria); Agosto 21, Huwebes (Ninoy Aquino Day); ug Nobiyembre 1, Sabado (All Saints Day).

Gideklarar usab nga special non-working days ang Disyembre 24 (Miyerkules); Disyembre 26 (Biyernes); ug Disyembre 31 (Miyerkules).

Special holiday usab alang sa tanang tunghaan ang EDSA Revolution Anniversary sa Pebrero 25, Martes.

Samtang i-anunsyo ra unya sa Malacañang ang petsa sa Islamic holidays nga Eid'l Fitr ug Eid'l Adha. (BANAT NEWS)