Lima ka balay naugdaw pagsugat sa Bag-ong Tuig sa Samboan

CEBU, Philippines - Mokabat sa P300,000 ang danyos sa nasunog nga lima ka balay ug usa ang partially damaged sa pagsugat sa Bag-ong Tuig sa Barangay Poblacion, sa lungsod sa Samboan.

Base sa imbestigasyon ni SFO2 Molilito Leceña , nga gilamoy sa sunog ang panimalay nila ni Pepe Dingal, Gaspar Llomente, Joseph Bayubay, Eliza Briones ug Baltazar Dinawanao. Samtang usa ka balay nga gipanag-iya ni Daniel Briones ang partially damaged.

Matud sa Samboan Police Station nga miresponde dayun sila sa fire alarm ug ang mga Local Government Units nga firetrucks naggikan sa silinganang munisipalidad sa Ginatilan, Alegria, Badian, Malabuyoc, Santander, Oslob ug Boljoon ang nagtinabangay sa pagpawong niini.

Wa hinuoy natalang nakalas o naangol sa maong hitabo.

Migawas sa imbestigasyon ni Leceña, nga ang sunog naggikan sa balay ni Dingal ug ang posibleng hinungdan niini mao ang faulty electrical wirings.

Ang mga balay nga nasunog sagad ginama sa gaay maong dali kining mikatap. -/EIM (BANAT NEWS)