CSC midawat og 3 ka pasidungog
CEBU, Philippines - Ang Civil Service Commission (CSC) nakadawat sa ilang ikatulo nga Governance Trailblazer Award tungod sa ilang maayong performance kalabot sa maayong panggobyerno pinaagi sa Performance Governance System (PGS).
Matud pa ni CSC Chairman Francisco Duque nga ang maong pasidungog gitanyag ngadto sa ahensya sa gobyerno kinsa nakakuha sa score nga 8.5 hangtod 9.2 sa public revalida o performance report niini.
Gitug-an ni Duque nga ang CSC unang nakadawat og Silver Trailblazer Award sa miaging Oktubre 2011 human nga ang public revalida niini misangpot sa Compliance stage.
Ang CSC nakakuha og taas nga score nga 9.03 over 10 samtang ang ikaduha nga Silver Trailblazer Award niini nakuha sa maong ahensya sa miaging Marso 2013 tungod sa pag-angkon niini og taas nga performance report rating sa Public Governance Forum.
Gipasabot ni Duque nga ang ilang ahensya nagsugod sa governance journey niini sa tuig 2010 diin misagop kini sa PGS kinsa usa ka lokal nga adaptation sa Norton ug Kaplan's revolutionary Balanced Scorecard system.
Ang maong sistema gipasigwar sa Institute for Solidarity in Asia (ISA), sumala pa ni Duque.
“CSC is firm in executing the strategies which direct all systems, processes, and programs to attain the targets and performance commitments indicated in its enterprise scorecard,†dugang pa niya.
Gibutyag ni Duque nga ang CSC nagtinguha sa pagkompleto sa ikaupat ug final stage niini sa PGS, Institutionalization sa tuig 2014. (BANAT NEWS)
- Latest
