Bag-ong plaka sa sakyanan mogawas na
CEBU, Philippines - Ang Department of Transportation and Communication (DOTC) gitakdang mopagawas og bag-ong disenyo sa plaka sa mga sakyanang de motor niining tuiga, 2014.
Kini human masulbad ang P3.85 bilyones nga standardization program sa maong ahensya.
Matud pa ni Transportation Secretary Joseph Emilio Abaya nga ang DOTC misulbad pa sa isyu sa Department of Budget and Management (DBM) alang sa pagpagawas sa bag-ong plates.
Sumala pa ni Abaya nga naglihok na sila karon uban sa taga DBM aron tul-iron ang kalidad sa bag-ong desinyo .
Nanghinaot siya nga mahuman gilayon kini og sayo karong tuiga.
Gitug-an ni Abaya nga ang ilang ahensya nagpadayon pa karon sa pagsulbad sa giingong pinansyal nga isyu nga may labot sa pagpagawas og pundo nga naglangkob sa lima ka tuig nga kontrata.
Sa miaging mga buwan, si DOTC spokesperson Michael Arthur Sagcal mianunsyo nga aduna nay sumbanan sa bag-ong desinyo sa plaka human ipagawas sa Europe ug Singapore ang ilang desinyo niadtong miaging Septembre 2013.
Gibutyag ni Abaya nga ang maong plaka gihulagway nga may disenyong alphanumeric sama sa tulo ka letra (three-letter) ug upat ka numero (four-digit) nga kombinasyon alang sa mga sakyanang de motor ug nga lima ka numero (five-letter) nga kombinasyon usab alang sa mga motorsiklo. (BANAT NEWS)
- Latest
