Naangol nga polis gihataga’g medalya

CEBU, Philippines - Gihatagan og medalya sa Regional Director sa Police Regional Office 7 Chief Supt. Danilo Constantino si PO2 Gabriel Opoc nga nakapusil patay sa usa ka drug pusher atol sa buybust operation sa Liloan sa miaging adlaw.

Gitaoran mismo ni Constantino si Opoc sa “Medalya ng Sugatang Magiting” diha sa Perpetual Soccour Hospital diin didto kini nalandig. Naangol ang tuong bukton sa polis human kini gipusil  ni Elias Gulane ang pusher nga subject sa buy bust operation nga gipahigayon sa Provincial Intelligence Branch sa Cebu Provincial Police Office. Si Gulane napatay ni Opoc dihang giunhan siya pagpusil sa suspek.

Si Constantino miingon nga ang gibuhat ni Opoc maayong ehemplo sa iyang mga kaubanang polis sa pagbuhat sa ilang trabaho.

Si Opoc ang nagsilbing poseur buyer sa maong operasyon ug siya ang mipalit og shabu nga mobalor og P1000 gikan sa suspetsado.

Apan dihang nakabantay ang suspetsado gipusil niini ang polis.  (BANAT NEWS)